Puncak Peringatan Maulid Nabi Muhammad S.A.W. 1432H Majelis Ta’lim & Da’wah Asy-Syifaa Wal-Mahmuudiyyah ( Asy-Syifaa Center)

Puji syukur sareng ni’mat nu teu aya ujungna kahatur ka Gusti nu Maha Suci, shalawat miwah salam tetep ka Junjunan alam Nabi Mulya Nabi Agung tegesna Kangjeng Nabi Muhammad S.A.W.

Alhamdulilah bingah nu teu aya papadana rehna acara Puncak Peringatan Maulid Nabi Muhammad S.A.W. 1432H di Simpang Pamulihan berjalan lancar sareng sukses. Dihadiri ku rebuan jamaah ti berbagai wilayah di Bandung, Sumedang sareng sabudeureunana malah mandar para anggota POLRI, ABRI sareng para mahasiswa/i IPDN tur para penganut agama nu sanes ge ngiring ulu biung dina ieu acara.

Ti ba’da magrib keneh tos seueur para jamaah nu naek mobil, motor ngalalaeut sarumping ka patempatan. Alhamdulilah waktos eta cuaca bersahabat pisan teu aya hujan malah saurna tadi siang senah  hujan teh turuna, siga nu dipangnyeborkeun we eta tempat teh.

Shalawatan tos mulai dihaleuangkeun ti kawitan ba’da isya keneh ku para grup tsamrah kira-kira tabuh 21.00 WIB acara mulai dikawitan. Diawalan ku bubuka teras ngaos ayat suci Al-Quran diteraskeun kana laporan ketua panitiana.

Sarengse eta langsung diisi ku ceramah Al’Alim Al’Alamah Al-Habib Abdurohman Bil-Faqih Hafidzohullohu, putra yang Mulia Al’Alim Al’Alamah Al-Hafidz Al-Musnid Al-Habib Abdulloh bil Faqih R.A. pengasuh Pondok Pesantren Darul Hadits Al-Faqihiyyah Malang-Jawa Timur. Mantena ngisi di awal keneh acara margi saparantos na ceramah mantena langsung mulih deui ka Malang.

Diawal pembukaan tausyiah mantena nguningakeun yen Maha Guru urang sadaya Syaikhona Bapa Kyai rencang mantena, sobat anu dipikacinta ku mantena tur nguningakeun Syaikhona Apa ramana Syaikhona Bapa Kyai adalah Guru mantena.

Bahasan mantena mengenai kaagungan Junjunan Kangjeng Nabi Muhammad S.A.w. teras ngahaleuangkeun qosidah burdah (pami teu lepat). Disamping eta mantena oge ngayakinkeun ka para jamaah oge ka para tamu non muslim kana kahebatan sosok Junjunan Kangjeng Nabi Muhammad S.A.w. Teras ngabahas kana cara-cara pikeun para non muslim kanggo mengkaji islam nu saleresna.

Beres mantena tausyiah langsung lungsur nepangan ka Syaikhona Bapa Kyai anu calik di payun seja amitan bade teras mulih. Dilajengkeun kana acara-acara sambutan-sambutan oge pengesahan Peraturan Gubernur tentang pelarangan kegiatan Jemaah Ahmadiyah di Jawa Barat. Alhamdulilah Jawa Barat mangrupikeun pelopor nu ngalarang kegiatan jamaah ahmadiyah dimana pami aya keneh eta kegiatan langsung ditindak tegas sesuai eta peraturan tea.

Acara terakhir, diisi ku tausiyah Maha Guru urang sadayana Syaikhona Bapa Kyai. Sadaya ulama sareng umaro naik panggung sadayana calik disabudeureun Sayikhona. Pembahasan demi-demi pembahasan diuningakeun ku Sayikhona diakhiri ku maoskeun Maulid Barzanji nu di akhiri ku doa. Ketir nu kalintang sawaktos Syaikhona ngaoskeun Yaa Alloh sababarakali dina aosan du’a Maulid  nu disarengan ku hujan ti kawit di aoskeuna barzanji. Seueur pisan didinya mah para jamaah nu narangis dina ngadu’na ditambih pangharepan nu saenya-enya na ka Gusti nu Maha Suci tur muntang ka Junjunan nu maparin Syafa’atul Uzma.

Sarengse du’a diteraskeun kana acara tradisi nyawer tah dideu yeuh nu rame mah saweran anu seueur diabrulkeun, dialung-alungkeun ti panggung ka sadaya jamaah, para anggota POLRI, ABRI sareng mahasiswa/i IPDN ge pada ngiringan didinya mah. Malah salepas beres nyawer aya nu ningalikeun ka pribados salah sawios anggota ABRI nu kenging artos 130rb sareng kenging gembolan sarung tur kopeah anjeuna nyaurkeun barokah yeuh barokah…anjeuna kalintang bingah pisan sigana teh sareng katingali na mah ngawitan aya acara ngaos nu diakhiran kunyawer mah.

Alhamdulilah acara sukses berjalan lancar, rengse sekitar tabuh satu langkung dibarengan keneh ku hujan nu berkah dugikeun ka bumina masing-masing.

Mudah-mudahan riungan eta sing janten riungan nu disakseni ku Alloh ku Rosul nu mana umatna nu hoyong diajar cinta ka Alloh ka Rosul ku minutur ka Ulama-ulama Alloh nu luhung ku elmu jembar ku pangarti. Sing janten kumpulan nu ke teras kumpul dibawah bendera na Junjunan Kanjeng Nabi Muhammad S.A.W. dibawah pimpinan Guru Mulya urang sadaya Syaikhona Bapa Kyai miwah karuhun-karuhun mantenna.

Amiin amiin amiin yaa robbal ‘alamin

Wabilahitaufiq walhidayyah wassalamualaikum warrohmatullohi wabarokatuh.

DOWNLOAD CERAMAH  Al-Habib Abdulloh bil Faqih

Gambaran Puncak Peringatan Maulid Nabi Muhammad S.A.W. 1432H

Majelis Ta’lim & Da’wah Asy-Syifaa Wal-Mahmuudiyyah ( Asy-Syifaa Center )

Simpang Pamulihan Tanjung Sari-Sumedang

~ oleh adzili pada 11 April 2011.

2 Tanggapan to “Puncak Peringatan Maulid Nabi Muhammad S.A.W. 1432H Majelis Ta’lim & Da’wah Asy-Syifaa Wal-Mahmuudiyyah ( Asy-Syifaa Center)”

  1. Assalam,kang naha teu aya suantenan nya,ngan ciciricitan wungkul,wassalam

    • Wa’aliakum salam wr.wb.
      Punten sateuacana abdi kamari ngarekam na ngangge hp. Ari dicobi dina hp mah aya jelas pisan soantena teh.
      Wassalam

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

 
%d blogger menyukai ini: